نوجوان نےکیوبس سے خانہ کعبہ کی تصویر بنا ڈالی،محبت وعقیدت کا انوکھا اظہار

31, اگست , 2023

نیوزٹوڈے: خانہ کعبہ سے عقیدت ومحبت ہر مسلمان رکھتا ہے لیکن اس نوجوان کی محبت کے انوکھے اظہار نے سوشل میڈیا صارفین کو اپنی طرف متوجہ کر لیا۔ ایک نوجوان کی ویڈیو سوشل میڈیا پروائرل ہورہی ہے جس میں نوجوان کو ہزاروں کی تعداد میں موجود کیوبس کی مدد سے خانہ کعبہ کی تصویر بناتے دیکھاگیا ہے۔ یہ نوجوان کیوبس کو حل کرنے میں مہارت رکھتا ہے اور انہی کیوبس کی مدد سے اس نے خانہ کعبہ کی تصویر بنا لی-

کیوبس کو حل کرنا آسان کام نہیں اس پر کافی دماغ لگانا پڑتا ہے لیکن ماہر نوجوان نے ان کیوبس کو حل کر کے ایک انوکھا اور شاندار خانہ کعبہ کا پورٹریٹ بنا دیا- یہ سوشل میڈیا پر ہر ایک کی توجہ کا مرکز بنا ہوا ہے - اس پورٹریٹ کو لوگوں کی طرف سے کافی پسند کیا جا رہا ہے یہ نوجوان کون ہے اور اس کا تعلق کس ملک سے ہے یہ بات ابھی تک معلوم نہیں ہو سکی-