جوہانسبرگ کی پانچ منزلہ عمارت میں آگ لگنے سے 74 افراد ہلاک اور 40 زخمی ہو گۓ

01, ستمبر , 2023

نیوز ٹوڈے: جنوبی افریقہ کے بڑے شہر جوہانسبرگ کے سینٹرل بزنس ڈسٹرکٹ میں ایک پانچ منزلہ عمارت میں اچانک آگ بھڑک اٹھی اس حادثے میں 74 سے زیادہ لوگ ہلاک ہو گۓ جن کی لاشوں کو عمارت سے نکالا جا رہا ہے اس حادثے میں 40 سے زیادہ لوگ زخمی بھی ہوۓ ہیں زخمی افراد کو مختلف ہسپتالوں میں منتقل کیا جا رہا ہے میڈیا کے مطابق اس عمارت میں تقریباً دو سو افراد رہائش پذیر تھے-

جیسے ہی عمارت کی کھڑکیوں سے آگ کے شعلے نظر آۓ چیخ وپکار بھی شروع ہو گئی کئی لوگوں نے کھڑکیوں سے چھلانگیں لگا کر جان بچائی لوگوں نے آگ لگتے ہی اپنے قیمتی سامان بھی کھڑکیوں سے باہر پھینکنا شروع کر دیے حادثہ بہت خوفناک تھا آگ نے بہت جلد پوری عمارت کو اپنی لپیٹ میں لے لیا فائر بریگیڈ کے عملے نے کافی مشقت کے بعد آگ کے تقریباً آدھے حصے پر قابو پا لیا ہے حادثے میں جاں بحق ہونے والوں میں خواتین اور بچے بھی شامل ہیں آگ لگنے کی وجہ تا حال معلوم نہ ہو سکی ۔