خانقاہ ڈوگراں انٹر چینج پر مسافر بس الٹ گئی

   نیوز ٹوڈے : پنجاب کے علاقے شیخو پورہ میں مسافروں سے بھری ایک بس کو موٹر وے پر حادثہ پیش آ گیا. جس کی وجہ سے 6 افراد موقع پر ہی جاں بحق  ہو گۓ اور 50 سے زیادہ افراد زخمی ہو گۓ کئی زخمی افراد کی حالت تشویشناک ہے ریسکیو حکام کے مطابق یہ افسوسناک حادثہ شیخو پورہ موٹر وے پر خانقاہ ڈوگراں انٹر چینج کے قریب پیش آیا تیز رفتاری اور اوور لوڈنگ کی وجہ سے اس بس کو حادثہ پیش آیا بس میں مسیحی برادری کے لوگ تھے جو کسی تقریب میں شرکت کیلیے حافظ آباد سیالکوٹ سے مریم آباد جا رہے تھے ۔

      مریم آباد میں مسیحی برادری کا مذہبی اجتماع تھا بس میں 60 سے زیادہ افراد سوار تھے کئی مسافر چھت پر بھی سوار تھے اوور لوڈنگ اور تیزرفتاری کے باعث بس ڈرائیور سے بے قابو ہو کرالٹ گئی اور  کھیتوں میں جا گری چھت پر سوار مسافر دور دور تک جا گرے اور کئی افراد موقع پر ہی ہلاک ہو گۓ حادثے میں زخمی ہونے والے افراد کو ڈوگراں ہسپتال منتقل کیا جا رہا ہے زخمیوں میں زیادہ تر عورتیں اور بچے شامل ہیں زخمیوں کی تشویشناک حالت کی وجہ سے اموات میں اضافہ ہو سکتا ہے ۔