پشاور ورسک روڈ پر دھماکہ ایک ایف سی اہلکار ہلاک اور 10 زخمی

12, ستمبر , 2023

نیوز ٹوڈے: پشاور کے ورسک روڈ پر دھماکے سے سیکیورٹی اہلکار ہلاک اور کئی زخمی ہو گۓ تفصیلات کے مطابق ایف سی کی دو گاڑیاں ورسک روڈ پر جا رہی تھیں ایک گاڑی جاۓ حادثہ سے گزر گئی لیکن جیسے ہی دوسری گاڑی وہاں سے گزرنے لگی تو ایک زور دار دھماکہ ہوگیا دھماکے میں ایک سیکیورٹی اہلکار ہلاک ہو گیا جبکہ 10 افراد زخمی ہو گۓ پولیس کے مطابق دھماکہ آئی ای ڈی لگ رہا ہے دھماکے دار مواد سڑک کنارے نصب کیا گیا تھا دھماکے میں سیکیورٹی فورسز کی گاڑی کو نشانہ بنایا گیا تھا-

دھماکے کے فورا بعد ریسکیو اہلکار اور آٹھ ایمبولینسز موقع پر پہنچ گئیں زخمیوں کو فوری طور پر سی ایم ایچ ہسپتال منتقل کر دیا گیا زخمیوں میں سے چار کی حالت خطرے سے باہر ہے دھماکے کے بعد پورے علاقے کو چاروں اطراف سے گھیرے میں لے لیا گیا ہے پاک فوج اور رینجر نے کلئیرنس آپریشن شروع کر دیا ہے کیونکہ یہ دھماکہ باقاعدہ منصوبہ بندی سے کیا گیا ہے حملہ آوروں کو معلوم تھا کہ اس راستے سے پاک فوج کی گاڑیاں گزرتی ہیں-