لاہور اور کوئٹہ میں چینی کی قیمت میں کمی، آئندہ دنوں قیمت مزیدکم ہونے کاامکان

12, ستمبر , 2023

نیوزٹوڈے: لاہور اور کوئٹہ میں چینی کی قیمت میں کمی دیکھنے میں آئی ہے-لاہور کی تھوک مارکیٹ میں چینی کی قیمت 6 روپے کم ہوگئی لیکن پرچون میں چینی کی قیمت ویسی کی ویسی ہے۔لاہور کی تھوک مارکیٹ میں چینی کی قیمت 6 روپے کم ہونے کے بعد 162 روپے فی کلو کے حساب سے فروخت کی جا رہی ہے اور مزید کمی کا بھی امکان ہے لیکن پرچون کی دکانوں پر چینی 175 سے 180 روپے فی کلو بیچی جا رہی ہے دکانداروں کا کہنا ہے کہ ہم نے چینی مہنگی خریدی ہے تو اتنی جلدی کیسے سستی کر دیں اس طرح تو ہمیں نقصان اٹھانا پڑے گا-

کوئٹہ میں بھی چینی سستی

کوئٹہ میں بھی چینی کی قیمتوں میں بڑی کمی دیکھنے میں آئی ہے ایک ہفتے میں چینی کی قیمت 45 روپے کم ہو کر فی کلو قیمت 180 روپے ہوئی- آج بھی چینی کی قیمت میں دس روپے کی کمی دیکھنے کو ملی ہے- کوئٹہ کے کمشنرحمزہ شفقات نے کہا ہے کہ ضلعی انتظامیہ نے کوئٹہ میں چینی کی ذخیرہ اندوزی کے خلاف کارروائی کرتے ہوئے 9گوداموں کو سیل کرکے 1214 ٹن چینی برآمد کی ہے جس کے بعد کوئٹہ میں چینی کا ریٹ 220 روپے سے کم ہوکر 160 روپے پر آگیا ہے۔