گھوٹکی ایم 5 پر ڈاکوؤں کی فائرنگ سے ایک شخص ہلاک جبکہ تین زخمی

نیوز ٹوڈے: گھوٹکی کے قریب موٹر وے ایم 5 سکھر ملتان روڈ پر ڈاکوؤں نے مسافر گاڑیوں میں لوٹ مار شروع کر دی گاڑیوں کو روک کر مسافروں سے نقدی ، زیورات اور قیمتی سامان اسلحہ کے زور پر کافی دیر تک لوٹتے رہے ڈاکوؤں کی لوٹ مار کے دوران علاقے کے مکین موٹر وے پر پہنچ گۓ شہریوں اور ڈاکوؤں کے درمیان فائرنگ کا تبادلہ ہوا جس کے نتیجے میں ایک شہری جاں بحق ہو گیا جبکہ تین شہری زخمی ہو گۓ اہل علاقہ کا کہنا ہے کہ موٹر وے پر جب ڈاکوؤں نے لوٹ مار شروع کی تو چیخ وپکار کی آواز سن کر اہل علاقہ وہاں پہنچ گۓ ۔

ڈاکوؤں نے جب اہل علاقہ کو وہاں آتے دیکھا تو ان پر فائرنگ کر دی اہل علاقہ نے بھی ڈاکوؤں پر فائرنگ کی اہل علاقہ کافی دیر تک ڈاکوؤں کا مقابلہ کرتے رہے لیکن پولیس جاۓ وقوعہ پر نہ پہنچی اور ڈاکو فرار ہونے میں کامیاب ہو گۓ پولیس کا کہنا ہے کہ حادثے کے بعد اب چوکی نمر 130 پر پولیس کی بھاری نفری کو تعینات کر دیا گیا ہے سکھر ملتان موٹر وے پر گزشتہ تین مہینوں کے دوران ڈکیتی کا یہ تیسرا بڑا واقعہ پیش آیا ہے اس سے دو روز قبل بھی کچے کے علاقے کی ایک چوکی پر ڈاکوؤں نے حملہ کر کے ایک پولیس اہلکار کو شہید کر دیا تھا ۔