کراچی انڈسٹریل ایریا میں ٹرالر نے موٹر سائیکل پر سوار تین افراد کو کچل دیا

14, ستمبر , 2023

نیوز ٹوڈے: کراچی کے علاقے لانڈھی میں فردوس کالونی کے انڈسٹریل علاقے میں ایک خوفناک حادثہ پیش آیا ہے جس کے نتیجے میں دو خواتین جاں بحق ہو گئیں حادثہ ایک موٹر سائیکل کو پیش آیا موٹر سائیکل ایک ٹرالر کی زد میں آ گئی موٹر سائیکل پر ایک مرد اور دو خواتین سوار تھیں دونوں خواتین ماں بیٹی تھیں جو موقع پر ہی جاں بحق ہو گئیں جبکہ مرد بھی شدید زخمی ہو گیا ۔

حادثہ آنگہ ٹیکسٹائل مل کے باہر پیش آیا جہاں ایک تیز رفتار ٹرالر نے بے قابو ہوکر موٹر سائیکل کو کچل دیا حادثے میں زخمی ہونے والے مرد کا نام کاشف ہے اور اس کے ساتھ موٹر سائیکل پر سوار اس کی بیوی آصفہ اور ساس تہمینہ تھیں دونوں لاشوں کو اور زخمی کو ہسپتال منتقل کر دیا گیا ہے ٹرالر کا ڈرائیور موقع سے فرار ہو گیا تھا پولیس ذرائع کے مطابق ٹرک ڈرائیور کو حراست میں لے لیا گیا ہے ۔