کراچی اورنگی ٹاؤن میں دوران ڈکیتی مزاہمت پر ڈاکو نے گھر کی مالکن کو قتل کر دیا

15, ستمبر , 2023

نیوز ٹوڈے: کراچی کے علاقے اورنگی ٹاؤن میں ڈاکو نے زبردستی گھر میں گھس کر خاتون کو قتل کر دیا اور گھر سے رقم بھی لوٹ لی جس وقت یہ واقعہ پیش آیا اس وقت خاتون گھر میں اکیلی تھی چند روز قبل خاتون کے شوہر نے دو ایمبرائیڈری مشینیں فروخت کی تھیں اور ان سے وصول ہونے والے پیسے مقتولہ کے شوہر نے گھر پر ہی رکھے ہوۓ تھے مقتولہ کی ایک بیٹی ہے جو کہ ڈاکٹر ہے اور واقعے کے وقت وہ اپنی کلینک پر تھی مقتولہ کا شوہر بھی گھر پر موجود نہیں تھا مقتولہ ا سوقت گھر پر اکیلی ہی تھی-

پولیس ذرائع کے مطابق جو سی سی ٹی وی فوٹیج حاصل کی گئی ہیں ان میں دیکھا جا سکتا ہے کہ ڈاکو صرف ایک ہی تھا اس نے منہ پر نقاب چڑھا رکھا تھا ڈکیتی اور عورت کے قتل کے بعد جب وہ گھر سے نکل رہا تھا تو لوٹے ہوۓ پیسے اس کے ہاتھ میں تھے گھر سے باہر آ کر وہ پیسے چھپانے کی کوشش کر رہا تھا جو وڈیو میں صاف طور پر نظر آ رہا ہے پولیس کا کہنا ہے کہ جلد ہی مجرم قانون کی حراست میں ہو گا-