مری روڈ ، نور برج پلازہ سے 9 ارب روپے مالیت کے ڈالر اور غیر ملکی کرنسی برآمد

18, ستمبر , 2023

نیوز ٹوڈے : پاکستان وفاقی تحقیقاتی ادارے اور قانون نافذ کرنے والے اداروں نے ذخیرہ اندوزوں اور کرنسی سمگلنگ کرنے والے گروہوں کے خلاف آپریشن جاری کر رکھا ہے اس دوران اسلام آباد میں مری روڈ پر نور برج پلازہ میں چھاپہ مارا گیا ایف آئی اے نے اس پلازے سے 9 ارب مالیت کے ڈالرز اور غیر ملکی کرنسی برآمد کر لی پلازہ کے آٹھ ملازمین کو بھی گرفتر کر لیا گیا ایف آئی اے ذرائع کے مطابق یہ پلازہ روزنامہ اساس اور الحرم سٹی کے ڈائریکٹر شیخ افتخار عادل کی ملکیت ہے ۔

ذرائع کے مطابق کاروائی کے بعد پلازے کا مالک پلازے کے کاغذات لے کر اور قانونی دستاویزات کے ہمراہ چھاپہ مار ٹیم کے پاس پہنچ گیاچھاپہ مار ٹیم کو پلازہ کے مالک نے مطمئن کرنے کی کوشش کی بحث کے دوران دونوں فریقین کے درمیان تلخ کلامی بھی ہوئی لیکن پلازہ کے ملازمین اور کرنسی پولیس کی تحویل میں ہی ہیں ۔