پولیس کی بروقت کاروائ سے اسلام آباد بہت بڑے حادثے سے بچ گیا

18, ستمبر , 2023

نیوز ٹوڈے: اسلام آباد مارگلہ ہل پل 5 پر ایک مشکوک بیگ کی موجودگی پر شہریوں نے اسلام آباد پولیس کو مطلع کر دیا جس پر پولیس نے بیگ کو اپنی تحویل میں لے لیا بیگ سے ریڈ زون کا نقشہ اور تحریر برآمد ہوئی اس کے علاوہ اس مشکوک بیگ سے پولیس کے سرچ آپریشن کے دوران اسلحہ اور راؤنڈز بھی برآمد ہوۓ تفصیلات کے مطابق اس مشکوک بیگ کی اطلاع ایک شہری نے فون پر پولیس کو دی پولیس کا عملہ موقعے پر پہنچ گیا مشکوک بیگ دستی بموں اور دوسرے اسلحہ سے بھرا ہوا تھا ۔

بیگ سے ایک پستول بھی برآمد ہوا بیگ میں 50 پستول کی گولیاں بھی تھیں پولیس نے 3 دستی بموں کو ناکارہ بنا دیا ہے اس بیگ سے ایک 9 ایم ایم بھی بر آمد ہوئی ہے سرچ آپریشن کے دوران بیگ کے ارد گرد کے علاقے سے کوئی مشکوک شخص نظر نہیں آیا پولیس نے بیگ کو تحویل میں لے کر تحقیق کا عمل شروع کر دیا ہے شہریوں کے تعاون اور پولیس کی بروقت کاروائی نے شہریوں کو اور ملک کو ایک بڑے حادثے سے بچا لیا ۔