ہم نے نگران وزیراعظم کیلئے کمیٹی بنائی پانچ نام دیے لیکن سب کچھ اوپر اوپر سے ہوگیا۔ خورشید شاہ

21, ستمبر , 2023

نیوزٹوڈے: پاکستان پیپلز پارٹی کے مرکزی رہنما خورشید شاہ نے کہا کہ ہم نے نگران حکومت کے انتخاب کے لیے پانچ نام دیے تھے لیکن، سب کچھ اوپر اوپر سے ہو گیا۔ اسلام آباد میں کانفرنس کے دوران انہوں نے کہ کہ اب صرف دعا ہے کہ نگران وزیرا عظم شفاف انتخاب کروا دے۔

انہوں نے کہا کہ محسن نقوی کو آصف زرداری نے بچوں جیسا پیار دیا لیکن اگر کوئی پھر جائے تو کیا کیا جا سکتا ہے۔ انہوں نے مزید کہا کہ نیب ترامیم کے بارے میں عدالتی فیصلے کے پی پی پی کو کوئی نقصان یا فائدہ نہیں ہو گا۔ ہم نے جو بھی بھگتنا تھا بھگت لیا اور انہوں نے کہا کہ میرے دو سال کون لوٹائے گا، اس کا کون جواب دے گا۔