چیف جسٹس کا چیئرمین پی ٹی آئی کو اڈیالہ جیل منتقل کرنے کا حکم

25, ستمبر , 2023

نیوزٹوڈے: چیف جسٹس اسلام آباد ہائیکورٹ نے چئیر مین پی ٹی آئی کو اڈیالہ جیل منتقل کرنے کا حکم دے دیا ہے اور انہوں نے کہا کہ قانون کے مطابق، اسلام آباد کے انڈر ٹرائل قیدیوں کو اڈیالہ جیل میں رکھا جائے۔ اسلام آباد ہائیکورٹ میں چئیر مین پی ٹی آئی کو اٹک سے اڈیالہ جیل منتقلی کی درخواست پر سماعت ہوئی۔

ایڈیشنل اٹارنی جنرل نے کہا کہ سائفر کیس میں چئیر مین پی ٹی آئی سے متعلق آڈر اٹک جیل کا تھا۔ چیف جسٹس عامر فاروق نے ریمارکس دئیے کہ وہ آڈر اس لیے تھا کہ عمران خان اس وقت اٹک جیل میں تھے۔ اور اب عمران خان انڈر ٹرائل قیدی ہے ، اس لیے ان کو اڈیالہ جیل منتقل کرنا ہو گا۔ انہوں نے کہا کہ عمران خان ایک پڑھے لکھے شخص ہے، کل کو آپ انہیں رحیم یار خان بھجوادے تو کیا وہاں ٹرائل کروائینگے؟