منچن آباد تیز رفتار کار کی موٹر سائیکل کو ٹکر سے ماں اور بیٹی ہلاک

30, ستمبر , 2023

نیوز ٹوڈے : منچن آباد میں مین ہائی وے پر ایک تیز رفتار گاڑی نےایک موٹر سائیکل کو ٹکر مار دی جس کے نتیجے میں موٹر سائیکل پر سوار ماں اور بیٹی موقع پر ہی جاں بحق ہو گئیں جبکہ ایک شخص شدید زخمی ہو گیا تفصیل کے مطابق یہ افسوسناک واقعہ ہندو پاک سرحد کے قریب دریاۓ ستلج کے کنارے واقع ہیڈ سلیمانکی روڈ کے قریب ہائی وے پر پیش آیا ۔

موٹر سائیکل پر تین افراد سوار تھے جن میں میاں بیوی اور ان کی ایک دو سالہ بیٹی شامل ہیں موٹر سائیکل کو اچانک پیچھے سے ایک تیز رفتار گاڑی نے ٹکر مار دی حادثے میں خاتون سلمٰی اور شیر خوار بچی رخسانہ موقع پر ہی دم توڑ گئیں جبکہ زخمی شخص کو منچن آباد ہسپتال منتقل کر دیا گیا ہے لاشوں کو قانونی کاروائی کیلیے پولیس نے اپنی نگرانی میں ہسپتال منتقل کروا دیا ہے گاڑی کو بھی تحویل میں لے لیا گیا ہے اور ڈرائیور کی تلاش بھی جاری ہے جو کہ موقع سے فرار ہو گیا تھا ۔