ستمبر میں پاکستان کا تجارتی خسارہ 48 فیصد کم ہوا، رپورٹ

02, اکتوبر , 2023

نیوزٹوڈے: پاکستان بیورو آف سٹیٹسٹکس (پی بی ایس) کے جاری کردہ اعداد و شمار کے مطابق، ملک کا تجارتی خسارہ سال بہ سال کی بنیاد پر 47.86 فیصد کم ہوا اور ستمبر 2023 میں 1.489 بلین ڈالر رہا جو گزشتہ مالی سال کے اسی مہینے کے دوران 2.856 بلین ڈالر تھا۔ ماہ بہ ماہ کی بنیاد پر تجارتی خسارہ ستمبر 2023 میں 31.13 فیصد کم ہوا جو اگست 2023 میں 2.162 بلین ڈالر تھا۔جولائی تا ستمبر مالی سال 24 کے دوران برآمدات 3.78 فیصد کم ہوکر 6.899 بلین ڈالر ہوگئیں جو گزشتہ مالی سال کی اسی مدت میں 7.170 بلین ڈالر تھیں۔

رواں مالی سال کی پہلی سہ ماہی کے دوران درآمدات 25.36 فیصد کم ہو کر 12.188 بلین ڈالر رہ گئیں جو گزشتہ مالی سال کی اسی مدت میں 16.329 بلین ڈالر تھیں۔

ستمبر 2023 میں برآمدات 4.18 فیصد بڑھ کر 2.465 بلین ڈالر ہوگئیں جو اگست 2023 میں 2.366 بلین ڈالر تھیں۔ اگست 2023 میں 4.528 بلین ڈالر کے مقابلے ستمبر 2023 میں درآمدات 12.68 فیصد کم ہوکر 3.954 بلین ڈالر ہوگئیں۔