میانوالی مشہور سرائیکی گلوکار شرافت علی ٹریفک حادثے میں جاں بحق

12, اکتوبر , 2023

نیوز ٹوڈے: میانوالی کے نواحی علاقے یکہ گھنجیر کے قریب ایک گاڑی نہر میں جا گری اس المناک حادثے کے نتیجے میں گاڑی میں سات افراد جاں بحق ہو گۓ ان جاں بحق ہونے والوں میں میانوالی کے مشہور سرائیکی گلوکار شرافت علی بلوچ بھی شامل ہیں یہ حادثہ رات 2 بجے کے قریب پیش آیا جب گلوکار شرافت علی بلوچ اپنے ساتھیوں کے ہمراہ کسی شادی کی تقریب سے واپس آ رہے تھے تو راستے میں نہر کے پل سے گزرتے ہوۓ ان کی گاڑی نہر میں جا گری گاڑی میں سات افراد ہی سوار تھے-

ریسکیو ٹیم فوری طور پر جاۓ حادثہ پر پہنچ گئ اور رسیوں کے زریعے گاڑی کو نہر سے نکال لیا مرنے والے تمام افراد گاڑی میں ہی موجود تھے گاڑی کے دروازے بند ہونے سے تمام مسافر گاڑی میں ہی دم توڑ گۓ ریسکیو 1122 کے آفیسر خود موقع پر موجود تھے انہوں نے تمام کاروائی کی خود نگرانی کی-