شیخو پورہ 5 ڈاکو پولیس مقابلے میں ہلاک

12, اکتوبر , 2023

نیوزٹوڈے: شیخو پورہ میں سرگودھا بائی پاس روڈ پر پولیس مقابلے میں 5 ڈاکو ہلاک ہو گۓ پولیس اور دہشت گردوں کے درمیان ہونے والی فائرنگ کے تبادلے میں زیر حراست 5 ڈاکو اپنے ہی ساتھیوں کی فائرنگ سے ہلاک ہو گۓ شیخو پورہ پولیس ان ملزموں کو ریکوری کیلیے لے جا رہی تھی جب راستے میں ان ملزمان کے ساتھیوں نے اپنے ساتھیوں کو چھڑانے کیلیے پولیس پر حملہ کر دیا اور فائرنگ کر دی جس کے نتیجے میں ان کے اپنے ہی ساتھی ہلاک ہو گۓ ان ہلاک ہونے والے ملزمان میں نعیم، طیب ، اسرار، حبیب، اور عطرت کے نام شامل ہیں-

ان ملزمان کے خلاف ڈکیتی اور دوران ڈکیتی خواتین کے ساتھ زیادتی کے مقدمات درج تھے چند روز قبل پولیس نے آپریشن کے دوران ان ملزمان کے گروہ میں سے 5 افراد کو گرفتار کر لیا تھا پولیس ان کے ساتھیوں کی تلاش میں تھی کہ آج یہ واقعہ پیش آ گیا اور فائرنگ کرنے والے ملزمان موقع سے فرار ہو گۓ پولیس نے علاقے میں سرچ آپریشن شروع کر رکھا ہے اور بہت جلد یہ تمام ڈاکو پولیس کی حراست میں ہوں گے-