گرجا گھروں کی مرمت اور سانحۂ جڑانوالہ کے مسیحی متأثرین کو معاوضہ ادا

نیوزٹوڈے: ایک سرکاری اہلکار نے غیر ملکی صحافیوں کو بتایا کہ حکام نے اس سال اگست میں جڑانوالہ شہر میں توہین مذہب کے الزامات پر ہجوم کے حملے میں تباہ ہونے والے 20 گرجا گھروں کی مرمت کر دی ہے۔نگراں وزیراعلیٰ پنجاب محسن نقوی کی دعوت پر غیر ملکی صحافیوں کے وفد نے ایک روز قبل تحصیل جڑانوالہ کا دورہ کیا۔ ڈپٹی کمشنر فیصل آباد عبداللہ نیئر شیخ اور سی پی او محمد علی ضیاء نے وفد کا استقبال کیا۔

ڈپٹی کمشنر نے صحافیوں کو جڑانوالہ واقعہ کے متاثرین کی بحالی اور گرجا گھروں کی مرمت کے بارے میں بریفنگ دی۔شیخ نے کہا کہ حکومت نے ہر خاندان کو 2 ارب روپے کی مالی امداد دی ہے، انہوں نے مزید کہا کہ متاثرین پرامن طور پر اپنے گھروں میں دوبارہ آباد ہو گئے ہیں۔

ڈی سی نے شہر میں امن کے قیام کے لیے مسلم اور مسیحی رہنماؤں کے تعاون کو بھی سراہا۔ انہوں نے کہا کہ اس سلسلے میں ڈویژنل، ضلعی اور تحصیل سطح کی امن کمیٹیوں نے کلیدی کردار ادا کیا۔

16 اگست کو جڑانوالہ شہر میں دو عیسائیوں پر قرآن پاک کی بے حرمتی کے الزام کے بعد ہجوم نے حملہ کیا۔اس واقعے کے بعد پولیس نے 222 شکایات درج کی ہیں جبکہ 300 سے زائد افراد کو گرفتار کیا گیا ہے۔