کراچی ائیرپورٹ میں گورنر سندھ کامران ٹیسوری کا طیارہ حادثے کا شکار ہونے سے بچ گیا

16, اکتوبر , 2023

نیوزٹوڈے: فلائی جناح کا مسافر طیارہ خراب موسم کے باعث کراچی ایئرپورٹ پر کریش لینڈنگ سے بال بال بچ گیا۔طیارے میں گورنر سندھ کامران ٹیسوری، سابق وزیر فیصل واوڈا، سابق صوبائی وزرا اور دیگر سوار تھے۔گورنر سندھ نے سوشل میڈیا پلیٹ فارم ایکس پر واقعے کو شیئر کرتے ہوئے کہا کہ اللہ تعالی کا شکر ہے کہ فلائی جناح طیارہ حادثے سے بال بال بچ گیا۔ انہوں نے کہا کہ خواتین اور بچوں سمیت تمام مسافر محفوظ رہے۔

رپورٹس کے مطابق طیارہ ایک بار رن وے کو چھو چکا تھا لیکن پائلٹ نے موسم کی خرابی کے باعث دوبارہ ٹیک آف کرنے کا فیصلہ کیا۔ بعد ازاں پائلٹ کراچی ایئرپورٹ پر بحفاظت لینڈنگ کرنے میں کامیاب ہوگیا۔