فیصل آباد اداکارہ مالا جان پر قاتلانہ حملے میں اداکارہ کا بھائی جاں بحق

نیوز ٹوڈے: فیصل آباد میں سمندری روڈ پر اداکارہ مالا جان کی گاڑی پر نامعلوم کار سواروں نے فائرنگ کر دی جس کے نتیجے میں سٹیج اداکارہ مالا جان کا بھائی زوہیب جان جاں بحق ہو گیا اداکارہ مالا جان تھیٹر سے ڈرامے میں پرفارمنس کے بعد اپنے بھائی کے ہمراہ واپس گھر جا رہی تھیں جب جھال پل پر سمندری روڈ کے قریب کار سواروں نے انہیں رکنے کا اشارہ کیا لیکن ان کے بھائی نے گاڑی نہ روکی اداکارہ کے بھائی گاڑی ڈرائیو کر رہے تھے گاڑی نہ رکنے پر حملہ آوروں نے گاڑی پر فائرنگ کر دی جس پر اداکارہ مالا جان کا بھائی شدید زخمی ہو گیا انہیں فوری طور پر ہسپتال منتقل کیاگیا-

لیکن وہ زخموں کی تاب نہ لاتے ہوۓ دم توڑ گۓ حملہ آور کار سوار موقع سے فرار ہونے میں کامیاب ہو گۓ فیصل آباد پولیس موقعے پر پہنچ گئی اور ملزمان کی تلاش کیلیے قانونی کاروائی شروع کر دی علاقے کی ناکہ بندی کی گئی لیکن ابھی تک پولیس ملزمان کو پکڑنے میں کامیاب نہ ہو سکی اداکارہ مالا جان ایک مشہور سٹیج اداکارہ ہیں اور وہ میک اپ آرٹسٹ بھی ہیں اس حملے میں اداکارہ مالا جان کو کوئی نقصان نہیں پہنچا وہ محفوظ ہیں-