پی ٹی آئی کے بغیر الیکشن ناقابل قبول ہوں گے، پیپلز پارٹی کا الیکشن کمیشن کو پیغام

نیوزٹوڈے؛ پاکستان پیپلز پارٹی نے الیکشن کمیشن آف پاکستان سے الیکشن کی تاریخ کا اعلان کرنے کی درخواست کی ہے۔انہوں نے نگراں حکومت کی جانب سے واضح تعصب بالخصوص مسلم لیگ ن کے قائد نواز شریف کی حمایت پر تشویش کا اظہار کیا۔ پیپلز پارٹی نے کمیشن کو یہ بھی یاد دلایا کہ پاکستان تحریک انصاف کے بغیر عام انتخابات کے نتائج کسی کو قابل قبول نہیں ہوں گے۔اس سے قبل ، عارف علوی نے ایک انٹرویو میں بیان دیا کہ ، الیکشن شاید ہی جنوری میں کرائے جائے گے۔ الیکشن کمیشن آف پاکستان (ای سی پی) نے جمعرات کو انتخابات میں تاخیر کے امکان کو مسترد کرتے ہوئے یقین دہانی کرائی ہے کہ حلقہ بندیوں کا عمل مکمل ہونے کے بعد شیڈول جاری کیا جائے گا۔

حلقہ بندیوں کی اشاعت کے بعد انتخابی شیڈول کا اعلان کیا جائے گا۔ ایک ترجمان نے ایک بیان میں کہا کہ انتخابات میں تاخیر کا کوئی امکان نہیں ہے۔عہدیدار نے مزید کہا کہ انتخابات کے لیے تمام تیاریاں مکمل کر لی گئی ہیں۔ترجمان نے کہا کہ حد بندی کے عمل کا پہلا مرحلہ مکمل ہو چکا ہے اور ابتدائی حد بندیوں پر اعتراضات داخل ہونے کے بعد دوسرا مرحلہ مکمل ہو جائے گا۔عہدیدار نے کہا کہ ای سی پی 30 سے ​​31 اکتوبر تک حلقہ بندیوں پر اعتراضات کی سماعت شروع کرے گا اور 30 ​​نومبر کو حتمی فہرست شائع کی جائے گی۔