جیل میں عمران خان کو آٹھ کمروں کی سہولت فراہم

02, نومبر , 2023

نیوزٹوڈے: اڈیالہ جیل میں قید پی ٹی آئی کے چئیرمین عمران خان کو تمام سہولیات فراہم کر دی گئی ہے۔ذرائع نے کہا ہے کہ جیل میں خان صاحب کو آٹھ کمرے دیے گئے ہیں اور ان کے علاج کے لیے بھی نو ڈاکٹر تعینات کیے گئے ہیں۔ کمروں میں بیڈ ، میٹرس اور اخبار کی سہولت کے علاوہ ٹی وی بھی فراہم کیا جاچکا ہے۔

پی ٹی آئی چئیرمین کو دس چینل دکھائے جاتے ہیں اور ہر گھنٹے کے بعد اس کو تبدیل کیا جاتا ہے۔ اس کی ورزش کے لیے ان کو سائیکل اور لوہے کا راڈ بھی دیا گیا ہے، جیل میں واک کرنے کے لیے 20 فٹ کا صحن بھی موجود ہے۔ جیل کے قیدیوں کے لیے بنایا جانےوالا کھانا ، عمران خان کو نہیں دیا جاتا ان کے لیے الگ باورچی دیا گیا ہے جو عمران خان کی مرضی کے مطابق، کھانا بناتا ہے۔