ڈیرہ اسماعیل خان ٹانک اڈہ پر پولیس وین کے قریب بم دھماکہ

04, نومبر , 2023

نیوز ٹوڈے : خیبر پختونخواہ کے علاقے ڈیرہ اسماعیل خان میں ٹانک اڈہ کے قریب ایک پولیس وین کے قریب خوفناک بم دھماکہ ہوا ہے جس کے نتیجے میں پانچ افراد جاں بحق ہو گۓ پولیس ذرائع کے مطابق یہ دھماکہ اس وقت ہوا جب پولیس وین گشت کر رہی تھی دھماکے کے نتیجے میں 5 افراد ہلاک اور 21 کے قریب زخمی ہو گۓ پولیس ذرائع کا کہنا ہے کہ دھامکہ خیز مواد ایک موٹر سائیکل پر نصب کیا گیا تھا اور حملہ آوروں نے پولیس کی گاڑی کو نشانہ بنایا تھا ۔

حادثے میں زخمی ہونے والے افراد میں پولیس اہلکار بھی شامل ہیں اور کئی زخمیوں کی حالت تشویشناک ہے دھماکے کے فورًا بعد امدادی ٹیمیں موقع پر پہنچ گئیں اور امدادی اہلکاروں نے فوری کاروائی کرتے ہوۓ زخمیوں کو طبی امداد فراہم کی اور پھر انہیں ہسپتال منتقل کر دیا ریسکیو آپریشن میں 20 افراد نے حصہ لیا اور 6 ایمبولینسز کے ذریعے زخمیوں کو ایمرجنسی افسر نعمان اللٰہ کی نگرانی میں ہسپتال منتقل کر دیا گیا ابتدائی معلومات کے مطابق یہ دہشتگردی کا واقعہ ہے ۔