کراچی صفورا چورنگی کے قریب سے ملی گولیوں سے چھلنی جوان کی لاش

       نیوز ٹوڈے : کراچی میں صفورا چورنگی  سمیرا چوک ہاشم آباد سوسائٹی کے قریب ایک شخص کی لاش ملی ہے اس شخص کو گولیاں مار کر ہلاک کیا گیا ہے پولیس ذرائع کے مطابق لاش کی شناخت 28 سالہ شاہ زیب کے نام سے ہوئی ہے جس کی گمشدگی کی اطلاع اس کے والد نے پولیس کو دی تھی والد کا کہنا ہے کہ ان کا بیٹا کراۓ کی کار چلاتا تھا آج بھی وہ حیدر آباد سے ایک سواری لے کر کراچی آیا تھا سواری کو کراچی کراسنگ پر اتارا اور پھر دوسری سواری اس نے آن لائن ایپ کے ذریعے گلزار ہجری سے لی مقتول کے والد نے بتایا کہ اس نے اپنے بیٹے سے آخری مرتبہ مغرب کے وقت بات کی اس کے بعد اس کا فون بند ہو گیا فون بند ہونے پر والد کو شبہ ہوا جس پر اس نے گاڑی کا ٹریکر بند کروا دیا ۔

    پولیس کو اطلاع دی اور گاڑی کی لوکیشن کی مدد سے گاڑی تک پہنچے تو گاڑی میں ایک عورت کی چوڑیاں اور کپڑے موجود تھے اور گاڑی میں خون کے نشانات بھی تھے ریسکیو ذرائع کے مطابق گاڑی کی سابقہ پوزیشن چیک کرکے کافی فاصلے پر جھاڑیوں سے شاہ زیب کی لاش برآمد کی گئی ریسکیو عملے نے مقتول کی لاش کو عباسی ہسپتال منتقل کر دیا گاڑی سے برآمد ہونے والی اشیا سے ظاہر ہوتا ہے کہ گاڑی میں کوئی خاتون بھی موجود تھی مقتول کے والد  کا کہنا ہے کہ ان کی کسی کے ساتھ کوئی دشمنی نہیں تھی ان کے بیٹے کے قاتلوں کو گرفتار کرکے انہیں سزا دی جاۓ ۔