سورۃ البقرہ پڑھیں، آج جو کچھ ہورہا ہے وہ پہلے ہی قرآن میں موجود تھا، اُشنا شاہ

23, نومبر , 2023

نیوزٹوڈے: پاکستانی اداکارہ اشنا شاہ نے اسرائیل کی جانب سے غزہ پر وحشیانہ حملوں کے بعد دنیا بھر کے مسلمانوں کو سورۃ البقرہ پڑھنے کا مشورہ دے دیا۔ 47 روز سے جاری اسرائیل جنگ میں اب تک چودہ ہزار سے زائد افراد شہید ہو چکے ہیں ، ان میں اکثریت بچوں اور خواتین کی ہے۔ اشنا شاہ فلسطینیوں کے حق میں آئے دن ایکس میں اپنی آواز بلند کرتی رہتی ہے۔

اشنا شاہ نے ایکس میں لکھا کہ میری مسلمانوں اور غیر مسلم سے خاص گزارش ہے کہ آپ قرآن پاک کی سورہ البقرہ کی تلاوت کریں اور اسکو ترجمے کے ساتھ پڑھے۔ انہوں نے کہا کہ دنیا میں جو کچھ بھی ہو رہا ہے، وہ پہلے سے ہی قرآن میں بتایا ہوا تھا۔ انہوں نے بتایا کہ میں سورہ البقرہ کی تلاوت کیں اور اسے ترجمے کے ساتھ پڑھا تو میرے رونگٹے کھڑے ہو گئے ۔