ہم نے اپنے دور میں کسی سے بھی ادھار نہیں مانگا، نواز شریف

23, نومبر , 2023

نیوزٹوڈے: سابق قائد نواز شریف نے کہا کہ ہم نے ماضی سے کچھ نہیں سیکھا اور اسی وجہ سے ہمارا یہ حال ہے۔ میں نے جھوٹے دعوے نہیں کیے، تین بار وزیر اعظم بن چکا ہوں، عہدے کا لالچ نہیں ہے، ہمارے بعد جو حکومت آئی ، انہوں نے سب تباہ کر دیا۔ نواز شریف نے مری میں ورکز سے خطاب کرتے ہوئے کہا کہ آپ لوگوں سے ملکر خوشی ہو رہی ہے اور مری کے لوگوں سے بہت گہرا رشتہ ہے۔

مری کے لیے کام کرنا میرے اپنا جذبہ تھا۔ انہوں نے کہا کہ سیاست کے لیے جھوٹ بولنے سے کچھ نہیں ہاتھ آتا، باتیں کم اور کام زیادہ کریں۔ انہوں نے کہا کہ ہم نےملک کو گرے لسٹ سے نکالا اور جب میں وزیر اعظم تھا تو میں نے کسی سے ادھار نہیں مانگا۔ انہوں نے کہا کہ ہم نے اپنے دور میں آئی ایم ایف کو بائے بائے کہا۔