بھارتی طیارے کی کراچی ایئر پورٹ پر ہنگامی لینڈنگ نے مچائی ہلچل

24, نومبر , 2023

نیوز ٹوڈے: صبح چار بج کر پندرہ منٹ پر جب لوگ دن بھر کی فکروں سے آزاد ہو کر اپنے گھروں میں سو رہے تھے کراچی میں اس وقت ہنگامہ برپا ہو گیا کراچی ایئر پورٹ کے میڈیکل گراؤنڈ پر اچانک بھارتی طیارے کی لینڈنگ سے کئی سوال پیدا ہونے لگے بھارتی طیارے کی کراچی ایئر پورٹ پر ہنگامی لینڈنگ کی وجہ جاننے کیلیے ہر کوئی بے تاب تھا دشن ملک کے طیارے کی اچانک لینڈنگ کی وجہ سامنے آ گئی ۔

در اصل بھارتی ایئر لائن کی پرواز جدہ سے حیدر آباد دکن جا رہی تھی کہ پرواز کے دوران اچانک طیارے میں بیٹھی ایک خاتون مسافر جوہرہ بی بی کی طبیعت خراب ہو گئی جس پر بھارتی طیارے کے کپتان نے پاکستان ایئر ٹریفک کنٹرولر سے طیارے کو کراچی ایئر پورٹ پر اتارنے کی اجازت مانگی اور ہنگامی حالت میں لینڈنگ کے بعد خاتون کو جناح ٹرمینل منتقل کیا گیا لیکن خاتون مسافر کو معائنے پر مردہ پایا گیا مردہ خاتون کو لے کر مسافر طیارہ 6 بج کر 15 منٹ پر اپنی منزل کی جانب روانہ ہو گیا ۔