لاہور چوہنگ کے علاقے میں ہوئی قتل کی لرزہ خیز واردات

نیوز ٹوڈے:   لاہور چوہنگ کے علاقے میں نجی ہاؤسنگ سوسائٹی میں آج قتل کی ایک لرزہ خیز واردات سامنے آئی ہے آج رائیونڈ روڈ پر ایگریکس ٹاؤن کے قریب ایک کم عمرڈرائیور عبدالرحمٰن کو زگ زیگ گاڑی چلانے پر ایک اور گاڑی کے ڈرائیور نے منع کیا جس پر اس لڑکے نے کال کرکے اپنے ماموں کو بلا لیا لڑکے کے ماموں نے آتے ہی فائرنگ شروع کر دی جس سے کار میں بیٹھی تہزین نامی میڈیکل کی طالبہ ہلاک ہو گئی تفصیل کے مطابق کم عمر ڈرائیور کو زگ زیگ گاڑی چلانے سے منع کرنے پر اس نے پہلے خود منع کرنے والے ڈرائیور کی گاڑی کو ٹکر ماری ور پھر اپنے ماموں کو بلا لیا جس کی فائرنگ سے میڈیکل کی طالبہ ہلاک ہو گئی ۔

ملزمان کا تعلق با اثر خاندان سے ہے پولیس نے دو ملزمان کو گرفتار کر لیا ہے جبکہ تین ملزمان فرار ہو گۓ ہیں حادثے میں ہلاک ہونے والی مقتولہ اور اس کا خاندان حال ہی میں بیٹی کی پڑھائی کیلیے سعودی عرب سے پاکستان منتقل ہوا تھا مقتولہ کے اہل خانہ کا کہنا ہے کہ ملزمان کے گھر والوں اور خاندان والوں کی طرف سے ان پر صلح کیلیے دباؤ ڈالا جا رہا ہےمقتولہ کے خاندان نے وزیر اعلٰی پنجاب کو خط لکھ کر انصاف کی اپیل کی ہے ۔