کراچی کے مشہور آر جے شاپنگ سینٹر میں آگ لگنے سے جھلسے ہوۓ لوگوں کی اموات میں اضافہ ہو رہا ہے

نیوز ٹوڈے:   ایک روز قبل کراچی کے راشد منہاس روڈ پر کراچی کے مشہور آر جے شاپنگ سینٹر میں اچانک آگ بھڑک اٹھی تھی آگ نے چھٹی منزل سے لے کر چوتھی منزل کو اپنی لپیٹ میں لے لیا جس سے شاپنگ سینٹر میں موجود کئی دکانیں جل کر راکھ ہو گئیں اور عمارت میں موجود کئی افراد جھلس کر ہلاک ہو گۓ کیونکہ نقشے میں ہنگامی حالات میں عمارت سے نکلنے کا کوئی راستہ موجود نہیں تھا ناقص حفاظتی انتظامات اور آگ لگنے یا کسی اور ہنگامی صورتحال سے نمٹنے کا کوئی انتظام نہیں تھا ریسکیو حکام نے جان پر کھیل کر عمارت میں موجود 30 سے 35 افراد کو باحفاظت باہر نکال لیا ۔

لیکن چونکہ عمارت میں ہوا کے اخراج کا کوئی انتظام موجود نہیں تھا اس لیے دھوئیں کی وجہ سے آگ بجھانا بہت مشکل ہو گیا تھا عمارت کے مالکان کی لاپروائ اور غفلت کی وجہ سے 11 افراد موقع پر ہی جھلس کر ہلاک ہو گۓ تھے اور جو افراد زخمی ہو گۓ تھے ان میں سے ایک لیاقت آباد سے تعلق رکھنے والا سوفٹ ویئر انجینئر آج زخموں کی تاب نہ لاتے ہوۓ ہلاک ہو گیا شاہزیب کی عمر 26 سال تھی اور اس کی اگلے ماہ شادی ہونے والی تھی شاہزیب نے دو ماہ قبل اس عمارت میں اپنا دفتر کھولا تھا شاہزیب گھر کا واحد سہارا تھا جو اس سانحہ میں چھن جانے پر شاہزیب کے اہلخانہ اس وقت غم سے نڈھال ہیں ۔