بنوں بکا خیل میں خود کش دھماکے میں 2 افراد جاں بحق اور 10 زخمی ہوگۓ

28, نومبر , 2023

نیوز ٹوڈے : بنوں کے علاقے بکا خیل میں ایک خود کش بمبار نے اپنے آپ کو دھماکے سے اڑا دیا جس کے نتیجے میں دو بے گناہ شہری شہید ہو گۓ اور دس زخمی ہو گۓ آئی ایس پی آر کے مطابق یہ خود کش حملہ آور موٹر سائیکل پر سوار تھا حملہ آور مواد موٹر سائیکل پر بندھا ہوا تھا موٹر سائیکل سوار نے موٹر سائیکل کو بکا خیل کے علاقے میں سیکیورٹی فورسز کے قافلے سے ٹکرا دیا جس سے دھماکہ ہواجس کے نتیجے میں دو افراد موقع پر ہی جاں بحق ہو گۓ ۔

جاں بحق ہونے والے عام شہری تھے اور 10 افراد زخمی ہو گۓ زخمی ہونے والوں میں 3 سیکیورٹی اہلکار بھی شامل ہیں حملہ آور کے نشانے پر سیکیورٹی فورسز کا قافلہ تھا آئی ایس پی آر نے حملے کی جو تفصیلات جاری کی ہیں ان کے مطابق حملہ آور کا تعلق افغانستان سے تھا وہ افغان شہری تھا اور پاکستان میں رہائش پذیر تھا اور اس کا تعلق حافظ گل بہادر گروپ سے تھا اس حملہ آور دہشگرد نے پاکستان میں قانونی طور پر رہنے کیلیے پاکستانی کارڈ حاصل کر رکھا تھا ۔