چلاس میں مسافر بس پر فائرنگ سے 10 افراد ہلاک اور 26 زخمی ہو گۓ

نیوز ٹوڈے :  گلگت بلتستان کے علاقے چلاس میں دیامرہڈور موڑ کے قریب مسافروں سے بھری ایک بس پر مسلح افراد کی فائرنگ سے 10 افراد جاں بحق اور 26 افراد زخمی ہو گۓ فائرنگ کے بعد بس میں آگ لگ گئی یہ مسافر بس ضلع غدر سے اسلام آباد جا رہی تھی جب نامعلوم افراد نے بس پر تابڑ توڑ فائرنگ شروع کر دی اس حادثے میں پاک فوج کے دو جوان بھی شہید ہو گۓ مسلح ڈاکوؤں نے چلتی بس پر اندھا دھند فائرنگ شروع کر دی جس کی وجہ سے بس سامنے سے آنے والے ایک ٹرک سے ٹکرا گئی اور بس اور ٹرک دونوں کو آگ نے پکڑ لیا ۔

حادثے میں زخمی اور جاں بحق ہونے والے افراد کو آر ایچ کیو ہسپتال منتقل کر دیا گیا ہے حادثے کی اطلاع ملتے ہی پولیس اور ریسکیو ٹیمیں فوری طور پر موقع پر پہنچ گئیں اور فوری طور پر ریسکیو آپریشن شروع کر دیا گیا دیامر کے ڈپپٹی کمشنر کا کہنا ہے کہ بس میں سوار مسافروں کا تعلق مختلف شہروں سے تھا یہ واقعہ شام کے ساڑھے چھ بجے کے قریب پیش آیا اور اس حادثے میں بس کے ٹرک سے ٹکرا جانے کی وجہ سے ٹرک میں بھی آگ لگ گئی تھی جس سے ٹرک ڈرائیور بھی جھلس کر ہلاک ہو گیا ۔