بہاول پور کے چڑیا گھر سے شیروں کے پنجرے سے ملی ایک شہری کی لاش

نیوز ٹوڈے :   صوبہ پنجاب کے شہر بہاول پور کے شیرباغ چڑیا گھر سے بدھ کے روز دوران صفائی چڑیا گھر کے عملے نے ایک لاش دیکھی جو کہ شیروں کے پنجرے میں پڑی تھی لاش کی حالت اتنی بری تھی کہ لاش کی شناخت نہ ہو سکی چڑیا گھر کے عملے کے افراد جو معمول کے مطابق صفائی کر رہے تھے جب وہ شیروں کے پنجرے کی طرف گۓ تو وہاں ایک شیر کے منہ میں جوتا دیکھا تو انہیں تشویش ہوئی جب آگے بڑھ کر دیکھا تو وہاں ایک نامعلوم شخص کی لاش پڑی تھی مردہ شخص کے پاس سے کسی بھی قسم کی کوئی شناختی دستاویز نہ ملنے کی وجہ سے جاں بحق شخص کی شناخت نہ ہو سکی ۔

انتظامیہ کا کہنا ہے کہ انہوں نے صبح ساڑھے گیارہ بجے پنجرے میں لاش دیکھی اور یہ واقعہ منگل کی رات کو پیش آیا لیکن وہ شخص خونخوار جانورں کے پنجرے تک کیسے پہنچ گیا کسی نے زبر دستی اسے وہاں چھوڑا اس بات کی تحقیق کی جا رہی ہے انتظامیہ کا کہنا ہے کہ جس پنجرے سے لاش ملی ہے وہاں 4 خونخوار شیر موجود ہوتے ہیں جاں بحق ہونے والے شخص کی گردن کا حصہ متاثر نظر آ رہا ہے اور باقی جسم سلامت تھا اس کے کپڑے پھٹے ہوۓ تھے گردن اور چہرہ متاثر ہونے کی وجہ سے شناخت نہ ہو سکی ۔