عائشہ منزل کے قریب دکان میں لگی آگ سے 74 فلیٹس اور 130 سے زائد دکانیں خاکستر ہو گئیں

08, دسمبر , 2023

نیوز ٹوڈے : کراچی میں عائشہ منزل کے قریب فرنیچر کی دکان میں لگنے والی آگ سے 74 فلیٹس اور 130 سے زائد دکانیں شدید متاثر ہوئیں آگ سے متاثرہ عمارت سے آج سرچ آپریشن کے دوران ایک اور لاش نکال لی گئی اس آتشزدگی میں جاں بحق ہونے والوں کی تعداد 5 ہو چکی ہے علاقے کے ایس ایس پی کا کہنا ہے کہ عمارت میں کولنگ کے عمل میں ابھی کچھ وقت لگے گا ریسکیو اہلکار ایک ایک کمرے اور دکان کا جائزہ لیں گے کہ کیا عمارت رہائش کے قابل ہے یا نہیں ابھی تک آگ لگنے کی وجہ سامنے نہیں آئی ۔

پولیس کا کہنا ہے کہ جب تک رسیکیو آپریشن مکمل نہیں ہوتا تب تک کسی کو بھی عمارت میں داخل ہونے کی اجازت نہیں ہوگی پولیس کے اس فیصلے پر عمارت کے رہائشیوں میں غم و غصے کے تاثرات پاۓ جا رہے ہیں کیونکہ رہائشیوں کا کہنا ہے کہ عمارت کے عقبی حصے سی سیکشن میں جو فلیٹ مکمل طور پر آگ سے محفوظ ہیں انہیں وہاں جانے کی اجازت دی جاۓ عمارت کا اگلا حصہ جو مکمل طور پر تباہ ہو چکا ہے ضلعی انتظامیہ نے اسے گرانے کی ہدایات بھی جاری کر دی ہیں جس پر مکینوں نے شدید غم و غصہ کا اظہار کیا ہے ۔