پاکستان تحریک انصاف کے نائب صدر شیر افضل مروت گرفتار

09, دسمبر , 2023

نیوز ٹوڈے : شیر افضل مروت جوکہ پی ٹی آئی کے نائب صدر ہیں ان کو گرفتار کر لیا گیا ہے تفصیلات کے مطابق پاکستان تحریک انصاف کے نائب صدر شیر افضل مروت کو چک درہ سے باجوڑ کی طرف جاتے ہوۓ پولیس کی بھاری نفری نے گرفتار کر لیا پولیس ان کو گرفتار کر کے نا معلوم مقام کی طرف لے گئی ذرائع کے مطابق شیر افضل مروت جب باجوڑ کی طرف جا رہے تھے تو ڈی ایس پی کی زیر نگرانی ان کو گرفتار کر کے نامعلوم مقام پر منتقل کر دیا گیا ہے ۔

یونین کونسل مٹہ کے پی تی آئی کے مقامی ناظم عمران خان نے میڈیا سے بات چیت کرتے ہوۓ بتایا کہ گلہ آباد کے مقام پر پولیس کی بھاری نفری نے ہماری گاڑیوں کو گھیرے میں لے لیا ہمیں وہاں پر ہی روک کر شیر افضل مروت کو ان کی گاڑی سے نکال لیا اور نا معلوم مقام کی طرف لے گئی پی ٹی آئی رہنماؤں نے اوچ کے مقام پر احتجاج شروع کر دیا اور دھرنا دے دیا مٹہ کے ناظم عمران کا کہنا ہے کہ ہمارا احتجاج اس وقت تک جاری رہے گا جب تک شیر افضل مروت کو چھوڑا نہیں جاتا ۔