ڈی آئ خان میں سیکیورٹی فورسز کی چوکی پر دہشتگردوں کا حملہ 23 اہلکار شہید

13, دسمبر , 2023

نیوز ٹوڈے : ڈیرہ اسماعیل خان کے علاقے دربان میں آج دہشتگردوں نے سیکیورٹی فورسز کی ایک چوکی پر حملہ کیا ہے جس کے جواب میں ڈی آئی خان کی سیکیورٹی فورسز نے مؤثر کاروائی کرتے ہوۓ 27 دہشتگردوں کو جہنم واصل کر دیا سیکیورٹی فورسز نے آپریشن کے دوران دہشتگردوں کے کئی ٹھکانے تباہ کر دیے ہیں دہشتگردوں نے رات کے وقت چیک پوسٹ سے ایک گاڑی ٹکرائی جو کہ دھماکہ خیز مواد سے بھری ہوئی تھی جس کی وجہ سے زور دار دھماکہ ہوا اور کافی نقصان ہوا ۔

سیکیورٹی فورسز کی کاروائی میں چھ دہشتگرد اس وقت مارے گۓ اور ایک دہشتگرد نے چیک پوسٹ کے اندر گھس کر خود کو اڑا دیا اس دھماکے سے چیک پوسٹ کی چھت گرنے سے 23 سیکیورٹی اہلکار شہید ہو گۓ ان دھماکوں کے بعد سیکیورٹی فورسز کے آپریشن میں مجموعی طور پر 27 دہشتگرد مارے گۓ آپریشن کے دوران دو سیکیورٹی اہلکار بہادری سے لڑتے ہوۓ شہید ہو گۓ آپریشن کے دوران دہشتگردوں کے کئی ٹھکانوں کو بھی سیکیورٹی فورسز نے تباہ کر دیا ۔