سرگودھا کے نوجوان کو شیر کے ساتھ تصویر بنوانا مہنگا پڑ گیا

13, دسمبر , 2023

نیوز ٹودے : کہتے ہیں کہ شوق کا کوئی مول نہیں ہوتا اور اپنا شوق پورا کرنے کیلیے انسان کچھ بھی کر جاتا ہے لیکن کبھی کبھی شوق پورا کرنا بہت مہنگا پڑ جاتا ہے اور ایسا ہی ہوا سرگودھا کے ایک نوجوان کے ساتھ ، سرگودھا کے نوجوان کو بھی اپنا شوق پورا کرنے کی بھاری قیمت چکانا پڑی سرگودھا کے جوان کو شیرکے ساتھ تسویر بنوانے کا شوق اس کی جان لینے لگا ۔

سرگودھا میں سات روز کیلے جاری لوک میلے میں لوگوں کی دلچسپی کیلیے مختلف قسم کے جنگلی جانوروں کو بھی میلے میں پنجروں میں بند کر کے رکھا گیا تھا اسی میلے میں ایک شیر کو بھی پنجرے میں بند کر کے رکھا گیا تھا سرگودھا کا ہی ایک نوجوان شیر کے پنجرے کے قریب جا کر شیر کے ساتھ تصویر بنانے لگا تو شیر نے پنجرے سے پنجا نکال کر نوجوان کا ہاتھ پکڑ لیا میلے میں آئی عورتوں کے شور مچانے پر لوگوں نے اس کو شیر کے پنجے سے آزاد کروایا اور نوجوان کو زخمی حالت میں ہسپتال منتقل کر دیا گیا ۔