کراچی کے مجتبٰی کو سوشل میڈیا پر پلاٹ بیچنا مہنگا پڑ گیا

نیوز ٹوڈے:   کراچی میں نارتھ ناظم آباد کے نوجوان کو سوشل میڈیا پر اپنے پلاٹ کی فروخت کا اشتہار دینا مہنگا پڑ گیا کراچی کے نارتھ ناظم آباد کے 19 سالہ نوجوان مجتبٰی نے اپنا ایک پلاٹ بیچنا تھا جس کیلیے مجتبٰی نے پلاٹ کی فروخت کا اشتہار سوشل میڈیا پر دے دیا اشتہار دیکھ کر ایک پارٹی نے مجتبٰی سے رابطہ کیا جس پر گزشتہ روز مجتبٰی اپنی والدہ اور ایک دوست کے ساتھ اس پارٹی کو پلاٹ دکھانے گیا تو ان لوگوں نے مجتبٰی کو اغوا کر لیا ۔

مجتبٰی کی والدہ نے پولیس کو بتایا کہ جیسے ہی میں ، میرا بیٹا اور اس کا ایک دوست سپر ہائی وے تھانے کی حدود میں اپنے پلاٹ کے نزدیک پہنچے تو دو افراد نے ہمیں گن پوائنٹ پر لے لیا ان میں سے ایک نے ڈرائیونگ سیٹ سنبھال لی اور ایک نے ہمارے اوپر پستول تانے رکھا ان لوگوں نے ہم سے موبائل فون بھی لے لیے اور گاڑی کو واپس موڑ کر میرے بیٹے کے دوست کو اتار دیا تھوڑا سا آگے جا کر انہوں نے مجھے بھی گاڑی سے اتار دیا اور میرے بیٹے کو اپنے ساتھ لے گۓ یہ واقعہ رات 11 بجے کے قریب کا ہے مجتبٰی کے خاندان والے پولیس کی کاروائی سے مطمئن نہیں ہیں ۔