نقئی کالج کے قریب ایک تاجر کو اغوا کر لیا گیا

14, دسمبر , 2023

نیوز ٹوڈے : کراچی کی عوام کا چوروں نے تو پہلے ہی جینا حرام کر رکھا تھا لیکن اب اغوا کاروں کے کئ گروہ بھی سرگرم ہو چکے ہیں کراچی میں آۓ روز اغوا برائے تاوان کی وارداتوں میں اضافہ ہی ہوتا جا رہا ہے گزشتہ دو روز میں اغوا کے دو کیس درج کراۓ گۓ ہیں معمار روڈ پر احسن آباد سے 19 سالہ نوجوان کو گاڑی سمیت اغوا کر لیا گیا ، دوسری واردات میں نقئی کالج کے قریب دو اسلحہ بردار افراد نے ایک کاروباری شخص کو اغوا کر لیا اغوا ہونے والے شخص کا نام حارث ہے اور حارث پولٹری کا کاروبار کرتا ہے ۔

حارث کے بھائی نے رپورٹ درج کرواتے ہوۓ بتایا کہ حارث گھر سے ملیر کینٹ اپنے پولٹری فارم پر جا رہا تھا کہ نقئی کالج کے قریب کچے راستے پر نامعلوم افارد نے گاڑی کو روک لیا کالے رنگ کی گاڑی میں سوار چار افراد نے حارث اور اس کے ڈرائیور کو اپنی گاڑی میں بٹھا لیا تھوڑا سا آگے جا کر انہوں نے حارث کے ڈرائیور کو گاڑی سے اتار دیا اور حارث کو اپنے ساتھ لے گۓ ۔