پیٹرول اور ڈیزل بارے تیل کمپنیوں کو اوگرا کی اہم ہدایت

15, دسمبر , 2023

نیوزٹوڈے: اوگرا نے تیل کمپنیوں کو پیٹرول اور ڈیزل مقامی ریفائنری سے خریدنے کی ہدایت کر دی ہے۔ تیل کمپنیوں کی جانب سے مقامی تیل نہ خریدنے کے معاملے پر اوگرا نے فیصلہ کیا ہے اور اٹک آئل کی شکایت پر تیل کمپنیوں کو خط لکھ دیا ہے۔ اوگرا کی جانب سے خط میں کہا گیا ہے کہ تیل کمپنیاں اپنا اسٹاک بہتر کرنے کے لیے پیٹرول اور ڈیزل مقامی ریفائنری سے خریدیں۔ اٹک آئل ریفائنری نے بتایا ہے کہ تیل کمپنیاں مقامی تیل نہیں اٹھا رہیں ، مقامی تیل نہ خریدنے کے باوجود اٹک آئل ریفائنری کی پیداوار ساٹھ فیصد تک پہنچ چکی ہے۔ خط میں کہا گیا ہے کہ آئل کمپنیاں فورا اٹک آئل ریفائنری سے تیل خریدیں۔