اسلام آباد میں زلزلے کے شدید جھٹکے

19, دسمبر , 2023

نیوز ٹوڈے: اسلام آباد اور اس کے گردو نواح میں زلزلے کے جھٹکے محسوس کیے گۓ آزاد کشمیر اور بھمبر کے علاقوں کو بھی زلزلے کے جھٹکوں نے ہلا دیا تفصیلات کے مطابق شام 3 بج کر 19 منٹ پر اسلام آباد اور اس کے ملحقہ علاقوں میں زلزلے کے جھٹکے محسوس کیے گۓ مقبوضہ کشمیر کے بھی کئی علاقوں میں زلزلے کے جھٹکوں نے لوگوں میں خوف وہراس پیدا کر دیا ریکٹر سکیل پر زلزلے کی شدت 5.8 ریکارڈ کی گئی ہے-

اور زلزلہ ماپنے والے مرکز کے مطابق زلزلے کی گہرائی 140 کلو میٹر زیر زمین تھی اور زلزلے کا سینٹر مقبوضہ کشمیر کا علاقہ دودہ تھا تاہم ابھی تک زلزلے کےان جھٹکوں سے کہیں بھی کوئی جانی یا مالی نقصان کی خبر سامنے نہیں آئی البتہ اسلام آباد اور آزاد کشمیر کے لوگوں میں خوف کی ایک لہر دوڑ گئی لوگ گھروں سے باہر نکل آۓ اور کلمہ طیبہ کا ورد اور استغفار کرنے لگے ۔