کراچی میں خوفناک دھماکہ

19, دسمبر , 2023

نیوز ٹوڈے : کراچی میں آج ایک خوفناک دھماکہ ہواہے کراچی ماڑی پور مچھر کالونی میں خضر چوک کے قریب سلنڈر پھٹنے کی وجہ سے 2 افراد ہلاک جبکہ 11 زخمی ہو گۓ تفصیلات کے مطابق مچھر کالونی ماڑی پور میں ایک تین منزلہ عمارت میں اچانک دھماکہ ہوا جس سے پوری کی پوری عمارت زمین بوس ہو گئی اس تین منزلہ عمارت میں دو خاندان رہائش پذیر تھے اور اس عمارت کے گراؤنڈ فلور پر سلنڈروں کی دکان تھی دکان میں سلنڈر پھٹنے سے دھماکہ ہوا اور پوری عمارت کو ملیا میٹ کر دیا ۔

حادثے کی اطلاع ملتے ہی پولیس اور ریسکیو ٹیمیں جاۓ حادثہ پر پہنچ گئیں دھماکے کی آواز سن کر علاقے کے لوگ جاۓ حادثہ پر پہنچ گۓ جس کی وجہ سے ریسکیو اہلکاروں کو کام میں دشواری پیش آ رہی تھی پولیس کو عوام کو منتشر کرنے کیلیے لاٹھی چارج کا استعمال بھی کرنا پڑا پولیس نے جاۓ حادثہ کو لوگوں سے کلیئر کرا دیا اس حادثے میں دو افارد ہلاک اور گیارہ زخمی ہو گۓ زخمیوں کو طبی امداد دے کر سول ہسپتال منتقل کر دیا گیا زخمیوں میں عورتیں اور بچے بھی شامل ہیں ۔