پی ٹی آئ رہنماؤں کو الیکشن سے دور رکھنے کی کوششیں

نیوز ٹوڈے :  چیئر مین پاکستان تحریک انصاف بیرسٹر گوہر خان نے اعلان کیا ہے کہ عمران خان صاحب تین حلقوں سے الیکشن لڑیں گے انہوں نے کہا کہ بانی پی ٹی آئی لاہور ، میانوالی اور اسلام آبد تین حلقوں سےالیکشن لڑیں گے بیرسٹر گوہر خان نے کہا کہ نواز شریف اس مرتبہ اتنے بوکھلاۓ ہوۓ ہیں کہ پی ٹی آئی کو میدان میں ہی نہیں اترنے دے رہے پی ٹی آئی اراکین سے کاغذات نامزدگی چھینے جا رہے ہیں پی ٹی آئی اراکین کو ہر طرح سے ہراساں کرنے کی کوشش کی جا رہی ہے کہ وہ الیکشن سے دور رہیں ۔

پی ٹی آئی کے سابق رہنما عثمان ڈار کے گھر پر بھی پولیس نے چھاپہ مارا ان کی والدہ سے بد تمیزی کی عثمان ڈار نے وڈیو بیان جاری کیا ہے جس میں ان کی والدہ کا گریبان پھٹا ہوا تھا عثمان کی والدہ ریحانہ امتیاز نے بتایا کہ پولیس نے میرے گھر میں گھس کر بد تمیزی کی انتہا کر دی میرے کپڑے پھاڑے اور مجھے زدو کوب کیا ریحانہ امتیاز کا کہنا ہے کہ یہ کاروائی خواجہ آصف کے کہنے پر کی گئی ہے تاکہ میں اپنے کاغذات نامزدگی جمع نہ کراؤں لیکن اگر خواجہ آصف میرے گھر کو بلڈوزر سے بھی گرا دیں تو میں پیچھے نہیں ہٹوں گی ۔