مشہور اداکارہ میرا کے گھر سے 1 کروڑ مالیت کی چوری

23, دسمبر , 2023

نیوز ٹوڈے : پاکستان فلم انڈسٹری کی مشہور اداکارہ میرا کے گھر میں آج چوری کی واردات ہوئی ہے میرا کے مطابق ان کے ڈرائیور نے ان کے گھر سے 80 لاکھ مالیت کے ہیروں کا ہار اور بیس لاکھ مالیت کی گھڑی چوری کی ہے میرا کا کہنا ہے کہ ان کی گھڑی میں بھی ہیرے جڑے ہوۓ تھے اور ان کے گھر سے یہ قیمتی اشیا اس وقت چرائی گئیں جب وہ گھر پر موجود نہیں تھیں ۔

پولیس نے اداکارہ میرا کی مدعیت میں مقدمہ درج کر لیا ہے اداکارہ نے بتایا کے وہ خریداری کیلیے گھر سے باہر گئی ہوئی تھیں اور جب واپس آئیں تو دراز میں گھڑی اور ہار موجود نہیں تھا جب انہوں نے ملازمین سے پوچھ گچھ کی تو معلوم ہوا کہ ان کا ڈرائیور جس کا نام قاسم تھا وہ وہاں موجود نہیں تھا اور اس کا فون بھی بند تھا پولیس ملزم کی گرفتاری کیلیے جگہ جگہ چھاپے مار رہی ہے ۔