کراچی ناظم آباد میں دو گروہوں کے درمیان فائرنگ

23, دسمبر , 2023

نیوز ٹوڈے : کراچی جو کبھی غریب کا گھر تھا اب جرائم کا گڑھ بن چکا ہے کراچی میں ناظم آباد کے علاقے میں دو گروہوں کے درمیان فائرنگ سے علاقے میں خوف وہراس پھیل گیا کراچی کے علاقے ناظم آباد میں مجاہد کالونی میں دو گروہوں کے درمیان کسی بات پر جھگڑا ہو گیا جس سے علاقہ میدان جنگ بن گیا دونوں گروپ ایک دوسرے پر سیدھی فائرنگ کرتے رہے جس سے علاقے میں خوف کا عالم طاری ہو گیا ۔

فائرنگ کا تبادلہ رکتے ہی پولیس جاۓ وقوعہ پر پہنچ گئی پولیس کے مطابق مجاہد کالونی کے ایک ہوٹل کے مالک کا اپنے مخالفین کے ساتھ جھگڑا ہو گیا تھا جس پر دونوں اطراف سے فائرنگ شروع ہو گئی پولیس نے اپنی مدعیت میں اس واقعے کا مقدمہ درج کر لیا ہے لیکن تاحال کوئی گرفتاری عمل میں نہیں آئی واقعہ میں کسی جانی یا مالی نقصان کی خبر سامنے نہیں آئی ۔