راولپنڈی دھمیال کیمپ میں گیس کی پائپ لائن میں دھماکہ

26, دسمبر , 2023

نیوز ٹوڈے : راولپنڈی میں گیس پائپ لائن میں اچانک دھماکے سے آگ بھڑک اٹھی تفصیلات کے مطابق راولپنڈی کے علاقے دھمیال کیمپ میں ایک گیس کی پائپ لائن میں دھماکے سے آگ لگ گئی آگ کے شعلے آسمان سے باتیں کرنے لگے گیس کی پائپ لائن میں لگی اس آگ نے قریب سے گزرتی آئل ریفائنری کی ایک لائن کو بھی اپنی لپیٹ میں لے لیا اس کے علاوہ نزدیکی کئی گھروں کو بھی آگ کے شعلوں نے گھیر لیا آگ پر قابو پانے کیلیے فائر بریگیڈ کی ٹیمیں ریسکیو حکام اور پولیس کی بھاری نفری بھی موقع پر پہنچ گئ ۔

فائر بریگیڈ کی کئی گاڑیاں اور فائر فائٹرز آگ پر قابو پانے کی کوشش کرتے رہے آگ پر ایک مرتبہ قابو پا لیا جاتا تو اچانک دوبارہ آگ کے شعلے بھڑکنے لگتے گیس سے متعلقہ حکام کو گیس کی سپلائی بند کرنے کی اطلاع دی گئی آئل ریفائنری کے تربیت یافتہ افراد بھی موقع پر پہنچ گۓ پولیس کی بھاری نفری نے آگ سے متاثرہ علاقے سے لوگوں کے گھروں کو خالی کروا دیا تاہم تاحال کسی جانی نقصان لی اطلاع نہیں ملی ۔