کراچی صدر کی موبائل مارکیٹ میں آگ لگ گئی

27, دسمبر , 2023

نیوز ٹوڈے : کراچی میں صدر کے علاقے میں موبائل مارکیٹ میں آگ لگنے سے کئی دکانیں جل گئیں تفصیلات کے مطابق صدر میں کے موبائل مارکیٹ میں اچانک آگ بھڑک اٹھی اور دیکھتے ہی دیکھتے اس آگ نے کئی دکانوں کو اپنی لپیٹ میں لے لیا آگ کی زد میں آنے والی دکانوں کے اندر کروڑوں روپے کا سامان پڑا تھا جو جل کر راکھ ہو گیا آگ لگنے کی اطلاع ملتے ہی فائر بریگیڈ کا عملہ جاۓ حادثہ پر پہنچ گیا فائر بریگیڈ کی 12 گاڑیاں اور دو فائر ٹینڈرز بھی آگ پر قابو پانے کیلیے جائے حادثہ پر پہنچ گۓ ۔

فائر بریگیڈ کے حکام نے بتایا کہ آگ پر تو قابو پا لیا گیا ہے لیکن ابھی تک آپریشن جاری ہے اور مارکیٹ کے کونے کونے کی چھان بین کی جا رہی ہے تاکہ کہیں آگ دوبارہ نہ بھڑک اٹھے فائر بریگیڈ حکام کا کہنا ہے کہ آگ لگنے کی وجہ ابھی تک معلوم نہیں ہو سکی اور نہ ہی آگ لگنے سے ہونے والے نقصان کا ابھی تک اندازہ لگایا جا سکتا ہے البتہ اس حادثے میں کوئی جانی نقصان نہیں ہوا ہے ۔