دہشت گردوں کے خلاف پاک فوج نے کی تیاری

29, دسمبر , 2023

نیوز ٹوڈے : آج پاک فوج کے سربراہ جنرل عاصم منیر کی سربراہی میں کور کمانڈر کانفرنس کا اجلاس ہوا اس کانفرنس میں شریک افسران نے اس بات پر خاصی تشویش کا اظہار کیا ہے کہ پاکستان کے اندر دہشتگردانہ حملوں میں ملوث دہشتگردوں کو پاکستان کا ہمسایہ ملک پناہ دے رہا ہے کانفرنس میں شریک افسران نے پڑوسی ملک سے ہونے والی دہشتگردانہ کاروائیوں اور اس سے دہشتگردوں کو ملنے والے جدید اسلحہ کو پاکستان کے تحفظ کیلیے بہت بڑا خطرہ قرار دیا ہے

اس میٹنگ میں ایک اہم فیصلہ بھی کیا گیا کہ پاکستان کو توڑنے کی کوشش کرنے والے ملک کے اشاروں پر عملدر آمد کرنے والے دہشتگردوں اور ان کو تمام سہولیات پہنچانے والوں کے خلاف بھر پور کاروائی کی جاۓ گی پاک فوج ان دہشتگردوں کے سہولتکاروں اور ان کی حوصلہ افزائی کرنے والوں کے خلاف بھی بھر پور کاروائی کرے گی اس کانفرنس میں فلسطینی عوام کے ساتھ بھی یک جہتی کا اظہار کیا گیا اور غزہ میں جاری اسرائیل کی جارحیت اور مظالم کی مذمت کی گئی ۔