مریم نواز کے اثاثوں کی تفصیل سامنے آگئی

04, جنوری , 2024

نیوزٹوڈے: مسلم لیگ ن کی سینئر نائب صدر مریم نواز کے اثاثوں کی تفصیلات جاری کر دی گئیں۔ مسلم لیگ ن کی سینئر نائب صدر اور چیف آرگنائزر مریم نواز نے اپنے مالی اثاثوں میں لاہور میں 8 کروڑ 25 لاکھ 84 ہزار روپے سے زائد مالیت کی اراضی کا انکشاف کیا ہے۔ مریم نواز بھی اپنے بھائی حسن نواز کے دو کروڑ 89 لاکھ روپے سے زائد کی مقروض ہیں۔

واضح رہے کہ مریم نواز کے کاغذات نامزدگی کی منظوری کے خلاف لاہور ہائی کورٹ میں اپیل دائر کی گئی ہے۔ یہ اپیل حلقہ این اے 119 سے پی ٹی آئی کے امیدوار ندیم شیروانی نے دائر کی تھی۔ مریم نواز کے خلاف دائر درخواست میں موقف اختیار کیا گیا ہے کہ مریم نواز کے اثاثے آمدن کے مطابق نہیں ہیں۔