پاکستان کو نیوزی لینڈ کے خلاف ٹی ٹوئنٹی مقابلوں میں کامیابی حاصل
- 11, جنوری , 2024
نیوزٹوڈے: نیوزی لینڈ کے خلاف ٹی ٹوئنٹی میچز میں پاکستان کو برتری حاصل ہے، پاکستان نے 34 میں سے 20 میچ جیتے ہیں اور نیوزی لینڈ نے باقی 13 میچز جیتے ہیں جبکہ ایک میچ کا نتیجہ ابھی تک نہیں آیا۔ پاکستان نے نیوزی لینڈ کی ٹیم کے خلاف سب سے زیادہ 201 اور سب سے کم 101 رنز بنائے ہیں۔
نیوزی لینڈ اور پاکستان کے درمیان ٹی ٹوئنٹی میچ کل جمعہ کو ایڈن پارک، آکلینڈ میں کھیلا جائے گا۔ میچ پاکستانی وقت کے مطابق صبح 11 بجکر 10 منٹ پر شروع ہوگا۔ اس ٹیم کی قیادت شاہین آفریدی کریں گے اور میزبان کیوی بلے باز کین ولیمسن اپنی ٹیم کی قیادت کریں گے۔ پانچ میچوں کی سیریز کا دوسرا میچ 14 جنوری کو ہیملٹن، تیسرا میچ 17 جنوری کو ڈیونیڈن، چوتھا ٹی ٹوئنٹی 19 جنوری کو کرائسٹ چرچ اور پانچواں اور آخری میچ 21 جنوری کو کرائسٹ چرچ میں کھیلا جائے گا۔
صباحت عابد
تبصرے