بلے کا نشان نہ ملنے کے بعد پی ٹی آئی کو ایک اور شدید دھچکا

15, جنوری , 2024

نیوزٹوڈے: پی ٹی آئی کو بلے کا نشان نہ ملنے پر کئی منفی اثرات کا سامنا کرنا پڑے گا۔ بلے کا نشان نہ ملنے کے علاوہ پی ٹی آئی کو خواتین کی مخصوص نشستوں سے بھی ہاتھ دھونا پڑے گا۔ قومی اسمبلی میں خواتین کی کل 72 نشستوں کے ساتھ پیپلز پارٹی اور استحکام پارٹی پہلے ہی مطلوبہ تعداد سے زیادہ نام درج کرا چکی ہیں۔ پی ٹی آئی کو سینیٹ الیکشن بھی ہارنے کا خطرہ لاحق ہے۔

پارٹی ایک پلیٹ فارم پر نہیں ہوگی۔ آئین کے مطابق مخصوص نشستیں صرف رجسٹرڈ جماعتوں اور ایک انتخابی نشان پر لڑنے والی جماعتوں کو دی جاتی ہیں۔ امیدواروں کی نظرثانی شدہ فہرست 20 جنوری تک جاری کی جائے گی اور 22 جنوری تک کاغذات نامزدگی واپس لیے جائیں گے اور حتمی فہرست 23 جنوری تک جاری کی جائے گی۔