اسلام آباد گھر کی چھت گرنے سے دو ماں بیٹی جاں بحق

18, جنوری , 2024

نیوز ٹوڈے : اسلام آباد میں ایک گھر میں آگ لگ گئی جس سے گھر کی چھت گرنے سے چار افراد ملبے تلے دب گۓ ـ تفصیلات کے مطابق اسلام آباد کے 'بلاک جی' میں ایک گھر میں اچانک آگ بھڑک اٹھی ـ آگ لگنے سے مکان کی چھت گر گئی ـ اس حادثے کے وقت گھر میں 4 افراد موجود تھے ، جن میں ایک ماں اور اس کے تین بچے شامل ہیں ـ چھت گرنے سے چاروں افراد چھت کے ملبے کے نیچے دب گۓ-

حادثے کی اطلاع ملتے ہی ریسکیو ٹیمیں جائے حادثہ پر پہنچ گئیں ـ ریسکیو اہلکاروں نے ماں اور ایک بیٹی کو ملبے سے نکال لیا ہے لیکن دونوں مردہ حالت میں تھیں ـ ابھی تک دو بچے ملبے کے ڈھیر کے نیچے دبے ہوۓ ہیں ۔ ریسکیو حکام نے بتایا کہ بچوں کو نکالنے کیلیے ملبے کو ہٹایا جا رہا ہے تاکہ انہیں نکالا جا سکے-